Monday, December 5, 2022

Sangguniang bayan sang Pavia, naghiwat sang committee hearing angut sa isyu sang Ungka2 fly-over sa banwa sang Pavia

- Advertisement -

Naghiwat subong nga adlaw, Setyembre 28 sang ikaapat nga committee hearing ang Sangguniang Bayan sang banwa sang Pavia sa pagpanguna ni Sangguniang Bayan Member Pyt Trimañez bilang Chairman sang Committee on Transportation kaupod ang representante sang City government, Public Safety and Transportation Management Office (PSTMO), Pavia Municipal Police Station, Department of Public Works and Highways Region 6 kag tanan nga miyembro sang Committee on Transportation.

Sa exclusive interview sang Radyo Bandera Iloilo kay Trimañez, iya ginpahayag nga katuyuan sang committee hearing nga maghingyo sang updated nga masterplan ukon design sang DPWH 6 sa Ungka 2 Flyover.

Luyag man sini mahibaluan ang timeline sang ila pagtrabaho kag kun ano ang status sa karun sang nasambit nga fly over agud nga maplanuhan ang nagakadapat nga traffic scheme agud nga malikawan ang pagpug-ok sang trapiko kag mahibaluan ang posible nga alternative routes sang mga pampubliko nga salakyan.

- Advertisement -

Dugang pa ni Trimañez, plano sang talatapan nga pagkatapos sang sini nga hearing, i-presentar naman nila ang bag-o nga plano sa traffic management office kag magtawag liwat sang masunod nga sinapol.

Ginaproposed man sang konsehal nga magpatukod sang traffic council para sa masulhay nga dalanon ilabi na sa mga first town nga banwa nga nagalabay sa banwa sang Pavia.

Ginahingyo man sang lokal nga panguluhan sa nasambit nga ahensya nga dapat makay-o sang maayo kag sa madali nga panahon ang fly-over agud indi mabudlayan ang mga motorsita.

- Advertisement -

Samtang, gin-abisuhan man ang mga motorista nga kun mahimo maglabay sa Pagsangaan-Tacas road, Jaro kun wala gid importante nga agyan sa Ungka.

Nahibaluan nga ginapatigayon sa karon ang DPWH sa Ungka 2 fly-over sang temporary shoring bangud sa nakit-an nga vertical displacement ukon pag-usmod nga nagakinahanglan sang tatlo ka semana suno sa contractor.

- Advertisement -

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,190SubscribersSubscribe

Latest Articles