Thursday, December 8, 2022

Sangguniang Bayan sang San Miguel, indi pa makadesisyon sa mangin kapalaran ni SK federation president Mikhail “Khalil” Tadifa

- Advertisement -

ILOILO CITY-Indi pa makahimo sang desisyon ang Sangguniang Bayan sang San Miguel sa mangin kapalaran ni SK Federation President Mikhail “Khalil” Tadifa bilang ex-officio member sang Sangguniang Bayan.

Ginpahayag ni San Miguel Vice-Mayor Bonifacio Salapantan nga pagahulaton sang Sangguniang Bayan sang San Miguel, Iloilo ang mangin desisyon sang korte sa kaso ni Tadifa matapos gin-aresto ini kasunod sang pagserbe sa iya sang Search warrant sang Biyernes.

Suno kay Vice-Mayor Salapantan nga “absent”  ang status ni Tadifa sa session sang Sangguniang Bayan, kag kon maka-apat ka sunod-sunod nga session nga indi ini makatambung, magahimo siya sang aksyon batuk sa iya.

- Advertisement -

Subong man, magakuha pa sila sang opinion sang Local DILG kon ano ang matabu sa posisyon ni Tadifa ilabi na kon indi bailable ang kaso sini kag magapabilin nga iga-detain bangud sa kaso nga ginapangatubang.

Madumduman nga narecover sa balay ni Tadifa ang isa ka 45 kalibre nga pistola, mga bala, holster, drug paraphernalia kag granada sang gin-search ang iya puluy-an sang nakaligad nga Biyernes sang aga kon  sa diin sampaw-sampaw nga kaso ang ipasaka sa iya.  

- Advertisement -
Sonny Punay
Sonny Punay
More than 20 years in the broadcast Industry in Iloilo City. 7 years -newswriter/ newscaster @ aksyon radyo Iloilo 18 years-newswriter/newscaster @RMN iloilo

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,200SubscribersSubscribe

Latest Articles