ILOILO CITY — Gintalana sa Oktubre 12, ala-1:30 sang hapon, ang joint committee hearing sang Committee on Transportation kag Committee on Infrastructure sang Sangguniang Panlalawigan angot sa mga problema sa Ungka Flyover sa Pavia.
Suno kay 4th District Board Member Rolando Distura, pinuno sang Committee on Infrastructure, napadal-an na nila sang sulat ang mga resource persons sa DPWH 6 kag ang contractor sang proyekto.
Madumduman nga ginpalab-ot nanday Board Member Ramon Sullano, Chairman sang Committee on Transportation kag Board Member Matt Palabrica ang mga concerns sa pagpugok sang trapiko bangud sa temporaryo nga pagsirado sang flyover.
Nadesisyunan na sang duha ka mga komitiba sang Sangguniang Panlalawigan ang pag-imbestigar sa proyekto.
Handa naman nga maghimo sang intervention ang SP base sa mangin resulta sang joint committee hearing suno kay Distura.
