ILOILO CITY — Ipatawag sang Sangguniang Panlungsod ang Public Safety Transportation and Management Office (PSTMO), Land Transportation Franchising and Regulatory Board (LTFRB) kag City Mayor’s Office agud istoryahan ang may kaangtanan sa Local Public Transport Route Plan (LPTRP) implementation sa Iloilo City.
Ini ang ginpahayag ni Atty. Councilor Rommel Duron, ang Chairman sang Committee on Transportation sa Iloilo City Council.
Sunu sa konsehal, indi pag i-defer sang konseho ang LPTRP implementation sa baylo masulat ini sang position paper agud nga mapadasig sang LTFRB ang pag-issue sang special permits para sa magabyahe nga mga jeepney units.
Dugang ni Duron gina-ayo man ang PSTMO, City Mayor’s Office kag LTFRB nga ipaathag ang implementation status kag legalities sa pagpatuman sang LPTRP.
