ILOILO CITY- Kuwarta na, nangin abo pa!
Ini matapos nalakip sa mga nasunog nga kagamitan sa balay ni Annilyn Jamora – isa sa mga nasunugan sa Kalye 3, Jalandoni, Lapuz – ang kwarta nga ila ginatipon sang iya bana.
Sa panaysayon ni Annilyn, nagabantay siya sang iya tyangge sang may nagsinggitan nga “sunog” kunsa diin ang kalayo ang naghalin sa iya lang gid tupad balay nga si Malia Vicente.
Dali-dali na lang nga ginpaguwa ni Annilyn ang iya kaupod sa ila balay bangod nagadaku na ang kalayo rason nga wala na sila sang may nasalbar nga mga gamit sa sulod.
Bitbit ni Annilyn ang iya balde nga may unod nga sinsilyuhon nga amo na lang ang nabilin sa ginabulubamta P30,000 nga sinuptan sang iya bana nga isa ka construction worker.
Sa karon, padayon pa ang imbestigasyon sang katapo sang BFP sa nasambit nga sunog.
