Thursday, December 8, 2022

Single mom nga may tatlo ka mga anak, napun-an sang gugma ang tagipusuon matapos makabaton sang grasya halin sa Radyo Bandera Iloilo, Serbisyong Bandera, Wow May Puso!

- Advertisement -

Napun-an sang gugma ang tagipusuon ni Marites Castillo, 46 anyos sang ginbisita sang Radyo Bandera News Team ang iya puluy-an sa Sitio Wayang, Barangay Tanza Bonifacio, City Proper agud hatagan sang temprano pa nga pamaskwa.

Isa na ka tuig nga balo si Marites bangud nagtaliwan na ang iya bana tungod sa sakit sa tiyan kag tungod sa tuman nga kapigaduhon, wala na ini madala pa sa ospital kadungan man nga may Covid-19.

May tatlo ini ka kabataan nga naga-edad 12, 9 kag anum kag lunsay naga-eskwela pa.

- Advertisement -

Pangpang- boneless sang bangrus kag paglibod ang iya palangabuhian agud lamang nga matustusan ang ila pang adlaw-adlaw nga kinahanglanon.

Dako ang kalipay kag pagpasalamat ang nabatyag ni Nanay Marites sang nabaton sa labing una nga kahigayunan ang 10 ka kilo sang bugas, mga grocery items, DTX coffee mix kag radyo gikan sa kaalwan sang RYU Foundation sa pagpanguna ni Dr. Ramel Uy.

Wala na sang iban pa nga handom si Maritess, kundi ang mapatapos sa pag-eskwela ang iya mga kabataan.

- Advertisement -

Padayon nga magahatag ang Radyo Bandera Iloilo sa mga pamilya nga pigado kag nagakinahanglan sang bulig gani kabandera bantayan kay basi ikaw na ang masunod nga mahatagan.

- Advertisement -

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,200SubscribersSubscribe

Latest Articles