- Advertisement -
ILOILO CITY — Naga-match sa 9mm caliber pistol ang slug nga narekober sa lawas ni Greg Palomaria Sr.
Ini ang pahayag ni Dr. Owen Libaquin, anay medico legal officer sang Police Regional office 6, sa interview sang Radyo Bandera Iloilo matapos gin-autopsy ang bangkay ni Greg Sr. kahapon, Disyembre 1.
Suno kay Dr. Libaquin, ang amu nga slug ang nakuha sa spinal cord sang biktima.
- Advertisement -
Pahayag sini nga nagsulod ang slug sa nawala nga abaga kag nag-igo sa bagà kag diretso sa spinal cord.
Dugang sini nga may lima pa ka buno si Greg Sr. kun sa diin tatlo sa kilid , isa sa pusod kag isa sa dughan.
Si Greg Sr. ang napatay matapos ang inaway sang pamilya Palomaria kag Palomar sang Nobyembre 26 sa Aglalana, Passi City.
- Advertisement -
