ILOILO CITY — Generally peaceful sa gihapon ang Distrito sang Mandurriao, Smallville Complex kag Iloilo City sa pihak sang rinambolanay nga nagakatabo.
Ini ang pahayag ni Iloilo City Police Office Director Colonel Leo Batiles.
Suno kay Batiles, ini tungod nga madamo na nga pulis ang naka-deploy sa nasambit nga mga lugar, subong man madamo ang bouncer kag mga gwardya sang mga estalisyemento komersyal.
Kalakip man ang pagpatuman sang kapkapanay kag Oplan bakal sang mga otoridad rason nga malinong kag matawhay sa gihapon ang syudad.
Pahayag pa ni Batilles nga ang natabo sang Disyembre 3 sang kaagahon nga rambolabay sa Versteck ang wala nakontrol bangud sa kadamuon sang tawo nga nagkaladto.
Bangud sini, magapadugang siya sang deployment sang pulis para indi na masulit ang insidente.
Istoryahon man sang ICPO director ang management sang Versteck natuhoy sa nagluntad nga rambol.
Madumduman nga duha ka tawo ang ila naaresto apang ginpapuli man matapos nga nagsugtanay nga indi na sila magkasuhay.
