Sunog sa Jalandoni Estate, Lapuz dapat magserbe nga paandam sa iban nga maghalong suno kay Kap Efren Gimeo

ILOILO CITY-Dapat nga magserbe nga warning ukon paandam sa iban ang natabu nga sunog sa Barangay Jalandoni Estate, Lapuz subong nga Biyernes.

Sa interview sang Radyo Bandera Iloilo, ginpahayag ni Punong Barangay Efren Gimeo nga bangud panahon na sang tig-ilinit, dapat nga maghalong na ang tanan agud malikawan ang sunog.

Nahibaluan nga kapin sa 10 ka pamalay ang gintupok sang kalayo kon sa diin kalakip man sa nasunog ang balay ni Kapitan Gimeo.

Sa karon, ginapangitaan na sang Barangay sang temporaryo nga mapahamtangan sang mga nasunugan kasunod sang sunog.