Monday, February 6, 2023

Synchronize checkpoint sang La Paz PNP kag MPU, nangin matawhay

- Advertisement -

ILOILO CITY —- Nangin matawhay ang ginpatigayon nga synchronize checkpoint sang La Paz PNP kag Mobile Patrol Unit humalin Nobyembre 14, Lunes tubtob Nobyembre 16, Miyerkules.

Sa interview sang Radyo Bandera Iloilo kay Police Major Jose Val Ladublan, hepe sang La Paz PNP, naga-kooperar gid ang tanan nga mga motorista sa ila ginapatigayon nga operasyon.

Sa datus nga nauyatan sang hepe, wala pa man sang may nadakpan nga mga armas luthang, kutsilyo kag mga kontrabando halin sang nagsugod ang ila nga checkpoint.

- Advertisement -

Magluwas diri, may mga nagkaladakpan sa pagbayolar sa traffic rules and regulations kaangay sang indi pagsuksok sang helmet, expire kag wala sang driver’s license, wala side mirror, wala nagasiga ang headlights kag signal lights kag pagpa-angkas sa mga bata diutay.

May pila lang ka mga menor nga insidente sa amo nga operasyon, ang pagkatumba sang nagamotor bangud sang impluwensiya sang makahulubog nga ilimnon.

Nagpaalintun man si Ladublan, sa mga motorista nga nagalabay sa ila nasakupan nga indi magdala sang mga hinganiban kag mga kontrabando bangud seryoso sila nga magapatuman sang checkpoint kasunod man sang direktiba ni Iloilo City Police Office (ICPO) City Director Leo Batiles, nga magpatigayon sang nasambit nga operasyon.

- Advertisement -

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,350SubscribersSubscribe

Latest Articles