Targeted vaccination sa barangay, ekswelahan kag business sector indi na bag-o para sa Iloilo City Government

ILOILO CITY — Indi na bag-o para sa Iloilo City Government ang pagpatigayon sang targeted vaccination nga plano nga himuon sang COVID-19 team.

Sa interview sang Radyo Bandera Iloilo kay Mr. Jeck Conlu COVID-19 spokesperson sang syudad ginpahayag sini nga ang targeted vaccination ang kasubong lang sang pagpatigayon sang house-to-house vaccination nga ginpatuman man sang Iloilo City Government sadtu.

Sunu sa iya may pila na ka mga scheduling nga gina-arrange agud nga tigayon na nga makapanaog ang mga vaccinators sa mga barangay,mga buluthuan kag mga business sectors.

Dugang pa niya sa nasambit nga mode of vaccination pasiguraduhon sang syudad nga mabakunahan ang tanan nga wala pa sang proteksyon batok COVID-19.