Thursday, December 8, 2022

Tatlo ka pahinante sang sigarilyo, gin-pangluthang sa banwa sang Lambunao; Tunga sa milyon ka pesos nga kwarta, nataban sang mga kawatan

- Advertisement -

ILOILO – Dead-on-arrival sa balay-bululngan ang driver sang wingvan nga may unod nga mga sigarilyo, samtang pilason naman ang duha sini ka upod matapos gintiro sang wala pa makilal-an nga mga persona las-3:45 kaina sang hapon sa Barangay Pasig, Lambunao.

Ginkilala ang napatay nga si Jerry Paldas, 44 anyos, driver sang wingvan, residente sang Passi City apang nagapuyo sa Fort San Pedro, Iloilo City; pilason naman sanday Elbert Mardoquio, 37-anyos residente sa Barangay Inaladan sa banwa sang Cabatuan; kag Jeriel Nalangan legal ang edad.

Sa interview sang Radyo Bandera Iloilo kay Police Corporal Risan Larroza, imbestigador sang Lambunao Municipal Police Station, ang napatay nga si Paldas ang driver sang Japan Tobacco International (JTI) van nga nagabaligay sang sigarilyo sang Mighty Corporation.

- Advertisement -

Base sa inisyal nga imbestigasyon, papuli na kuntani ang mga biktima apang paglab-ot sa nasambit nga lugar, may tawo nga nagtabok rason nga nagdulog ang wingvan kag hinali lang sila gin-pangtiro.

Bangud sini, nakaangkon sang patal nga pilas sa agtang kag dughan si Paldas nga gintunaan sang iya gilayon nga kamatayon, samtang nakaangkon man sang pilas ang duha pa ka pahinante nga gindala sa separado nga ospital sa syudad sang Iloilo.

Suno pa kay Larroza nga 12 gauge shotgun ang gin-usar sang tatlo tubtob apat ka mga suspek nga naka-bonet kag gilayon nga nag-palagyo sa nabukid nga bahin sang barangay.

- Advertisement -

Narekober naman sa crime scene ang duha ka fired gun shot shell kag posible nga nag-usar man ang mga ini sang 38 calibre pistol.

Samtang, nataban naman sang mga suspek ang kwarta nga nagadangat sa ₱500,000 kag pag-pangawat naman ang motibo sa krimen suno kay Larroza.

Padayon naman ang hot pursuit operation sang Lambunao MPS kag pag-review sa kopya sang dash cam.

- Advertisement -
Karen Badilla
Karen Badilla
Karen might be new in the news landscape of Iloilo but she's certainly a pro. Before joining forces with Radyo Bandero Iloilo news team, she served as one of the reporters/anchorwoman/news writers of a radio station in Bacolod City. With more than 3 years of broadcast experience under her sleeve, Karen is a total package ready to serve and deliver nothing but reliable information to the people of Iloilo.

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,200SubscribersSubscribe

Latest Articles