Monday, August 15, 2022

Taxi driver dakop sa drug buy-bust operation sa distrito sang Jaro; P200 mil nga balor sang iligal nga druga, nakumpiskar

- Advertisement -

ILOILO CITY — Arestado ang isa ka taxi driver sa ginpatigayon nga drug buy-bust operation sang Station Drug Enforcement Team 3, Jaro PNP sa C1 road, Zone 1B, Brgy. Balabago, Jaro, las 9:15 kaina sang aga, Hunyo 27.

Ang suspek ang ginkilala kay Felix Enore, 46-anyos, residente sang Brgy. Catoogan, Pototan Iloilo.

Sa interview sang Radyo Bandera Iloilo kay Police Lieutenant Lester Oliveros, deputy station commander sang Jaro PNP, masobra man sa duha ka semana ang pagmonitor antes ang madinalag-on nga operasyon.

- Advertisement -

Natigayon nga mabaklan sang confidential agent si Enore sang isa ka small sachet sang suspected shabu gamit ang P1,100 bilang drugbust money.

Nakuha pa gid sa paghinakop sini ang duha ka dalagko nga sachet sang druga nga nasulod sa iya nga brown wallet kag nakit-an pa gid ang dugang nga apat pa ka big sachet sang drug item nga nabutang sa ibabaw nga lugar sa diin nagakabit ang rear mirror.

Ginabanta nagabug-at sang 30 gramos ang 7 tanan ka mga sachet sang druga nga narekober nga may estimated market value nag P200,000.

- Advertisement -

Suno pa sa otoridad may mga daan na nga kaso sa pagpangawat si Enore kag ginakabig nga Street Level Individual (SLI).

Yara na karon sa kustodiya sang Jaro PNP ang subject person kag magapangatubang sa kaso sa paglapas sa RA 9165 ukon ang Comprehensive Dangerous Drugs Act of 2002.

- Advertisement -
Manilyn Abarro
Manilyn Abarro
Manilyn is a new breed of a journalist with diverse experience in news writing. The passion and enthusiasm she possesses make her a reliable person inside the newsroom. She is now one of the reporters of Radyo Bandera Iloilo Digital News Station.

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
914SubscribersSubscribe
- Advertisement -

Latest Articles