ILOILO CITY — Ginkumpirmar ni Department of Agrarian Reform (DAR) Undersecretary Jesry Palmares nga mangin kabahin sang Passi City council ang iya tiayon nga si Jinky Palmares.
Sa exclusive interview sang Radyo Bandera Iloilo kay Usec. Palmares, ginpahayag sini nga matapos ang tatlo ka semana nga pagkumbinsi sa iya asawa, ginbaton na gid man sini ang offer nga magpungko bilang city councilor.
Nahibaluan nga matapos ginbaton ni Palmares ang posisyon bilang DAR Undersecretary, nabakantehan ang city council.
Madumduman nga nagtal-os sa iya sa pagka-bise alkalde si Elyzer C. Chavez.
Sa karon, pirma nalang sang chairman sang Nacionalista Party nga si Sen. Cythia Villa rang ginahulat matapos nga gin-endorso na ni Cong. Ferj Biron si Jinky bilang konsehal sa syudad sang Passi.
