Saturday, August 20, 2022

Top 1 most wanted person nga may kaso nga rape sang 2021 natigayon nga ma-aresto kaina sang hapon sa City Proper

- Advertisement -

ILOILO CITY— Arestado ang Top 1 most wanted person nga may kaso sang rape sang tuig 2021 sa ginpatigayon nga operasyon sang Iloilo City Police Office (ICPO) kag Iloilo City Police Station (ICPS)-1 alas 4:25 kaina sang hapon sa distrito sang City Proper.

Ang suspek amo si Simon Frias, residente sang Brgy. Sto. Rosario, Duran, City Proper.

Natigayon ini nga madakpan bangud sa pagkumbinsi sang iya nga pamilya nga boluntaryo nga mag-surrender sa mga kapulisan.

- Advertisement -

Sa ginpatigayon nga press conference sang Iloilo City Police Station (ICPS)-1 sa pagpamuno ni Police Major Shella Mae Sangrines ang spokesperson sang ICPO upod si Plt. Mavin Laraño kag PSSgt. Jane Gabaleo, investigator sang WCPD, ginpahayag nga natabo ang insidente sang paghimulos sang tinalikdan nga Mayo 12 kag 17, 2021.

Maka-duha ka beses nga ginhimuslan sang suspek ang walo ka tuig nga bata nga nagahampang sa ila sulod sang balay.

Nahibaluan nga yara sa impluwensya sang makahulubog nga ilimnon ang suspek kag nakita sini ang walo ka tuig nga bata nga wala sang upod sa sulod sang balay.

- Advertisement -

Naga-trabaho bilang construction worker ang amay sang biktima gani ginabilin niya lang ini ang iya nga bata sa ila nga balay bangud ang mga himata sini ang yara man lang sa kaiping nga barangay.

Sang nagpauli na ang amay sini tuman ang iya kakibot bangud nga nag-gwa sa ila nga balay ang suspek kag digto na siya natingala.

Sang ulihi gin-ako man sang walo ka tuig nga bata nga ginhimuslan siya sang lalaki.

- Advertisement -

Gilayon nga nagpadulong ang mag-amay sa kapulisan agud nga i-report ang natabo.  

Sa subong nakahunong na ang suspek sa Iloilo City Police Station (ICPS)-1 kag magapangatubang ini sang kaso nga rape.

Nagpahanumdom ang kapulisan sa ila nga mga ginikanan nga bantayan gid ang ila nga kabataan agud malikawan ang ano man nga malain nga hitabo.

- Advertisement -
Quin Gomer Dellera
Quin Gomer Dellera
Gomer is a trailblazer in the media industry who strives hard to give credible and trustworthy news. He is passionate and devoted in newswriting. He is a new breed of reporter that specializes in entertainment, tourism, culture and arts.

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
924SubscribersSubscribe
- Advertisement -

Latest Articles