ILOILO – Arestado paagi sa pagserbe sang warrant of arrest ang Top 5 Most Wanted Person sang syudad sang Iloilo.
Ginkilala ang suspek nga si Adonis Banzuelo kag may kaso sa Republic Act 9165 ukon Comprehensive Dangerous Drugs Act of 2002.
Nahibaluan nga paagi sa gintingob-pwersa sang Philippine National Police – Anti-kidnapping Group Visayas Field Unit kag Iloilo City Police Station 5 natigayon nga naaresto si Banzuelo sa distrito sang Mandurriao.
Sya ang ginapahayag nga naga-trade, naga-administer, naga-dispense, naga-deliver, naga-distribute kag naga-transport sang iligal nga droga.
Ang nasambit nga warrant of arrest ang gin-isyu kag gin-pirmahan ni Judge Ma. Therasa Enriquez Gaspar sang RTC Branch 33, Iloilo City.
“He is a notorious player on the illegal drug trade. This is a major achievement in our campaign against this illicit business. He shall now face his cases in court,” suno kay PNP OIC Lt. Gen. Vicente Danao Jr.
