Nadakpan na ang Top 9 Most Wanted Person sa banwa sang Estancia sa Barangay Poblacion Zone II sang nasambit nga banwa, kagab-i, Marso 16.
Ginkilala ang arestado sa kay RJ Mesa, 32-anyos, isa ka tricycle driver, residente sang Purok 5, Barangay Butongon, Estancia kag may ginapangatubang nga kaso nga frustrated murder kun sa diin 9.₱200,000 ang ginarekomenda nga pyansa sang korte.
Natigayon nga madakpan si Mesa pinaagi sa tracker team sang Estancia Municipal Police Station sa pagpanguna ni PColice Captain Arniel Buraga kaupod man ang ginbug-os pwersa sang Regional Intelligence Department sang Police Regional Office 6, PDEG SOU 6, Regional Intelligence Unit 6, Coast Guard Estancia Sub-station, CIDG Iloilo kag Provincial Intelligence Unit sang Iloilo Provincial Police Office.
Nakahunong na sa karon sa Estancia MPS Custodial Facility si Mesa
