Monday, December 5, 2022

Trailer truck nga may karga nga mantika nga nagabalor sang kapin P3 million, natumba sa Muelle Loney sa syudad sang Iloilo

- Advertisement -

ILOILO CITY — Ginabanta P3 million nga balor sang mantika nga may kabug-aton nga 25 toneladas ang naula matapos natumba ang container van matapos nadisgrasya ang trailer truck sa Muelle Loney sa syudad sang Iloilo.

Nahibaluan nga natumba ang trailer truck nga ginadala ni Noel Cadayanon sang Hibao-an, Mandurriao sa dalan Muelle Loney mga alas-3:30 kaina sang kaagahon, Oktubre 23.

Suno kay Cadayanon, sang nagapasaka na ini sa Arroyo bridge nakakas ang fifth wheel sang truck rason nga natumba ang container kag maswerte naman nga wala ini nasamaran.

- Advertisement -

Bangud sini, nangin madanlog ang dalan Muelle para sa mga motorista kun sa diin madamo ang nagkalatumba nga motorsiklo kag nagtuga sang oil spill sa Iloilo river.

Wala naman napunggan ang pila ka mga residente kag mga nagalabay sa lugar nga magkuha sang mantika, apang suno sa abiso sang Iloilo City Operations Center, isa ka raw palm oil ang amu nga mantika kag indi advisable bilang cooking oil.

- Advertisement -
Manilyn Abarro
Manilyn Abarro
Manilyn is a new breed of a journalist with diverse experience in news writing. The passion and enthusiasm she possesses make her a reliable person inside the newsroom. She is now one of the reporters of Radyo Bandera Iloilo Digital News Station.

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,190SubscribersSubscribe

Latest Articles