Monday, August 15, 2022

Transition phases  iga-implementar sa pagpatuman sang face-to-face classes

- Advertisement -

ILOILO CITY— Masako na nga nagapakig-angut ang Department of Education (DepEd)-VI sa mga Division superintendent angud sa preparasyon para sa school year 2022-2023.

Ginpatpat ni Escullar ang mode of transitions nga paga-ubrahon nahanungod sa mandato nga face-to-face classes ni DepEd Sec. Sara Duterte; ini amo ang pagsugod sang 5 day in-person classes, pagpatigayon sang blended learning modality kun sa diin apat ka adlaw ang in-person classes kag isa ka adlaw ang distance learning, ukon 3 day in-person classes kag 2 ka adlaw nga distance learning.

Samtang, pag-abot sang Nobyembre 2 ginalauman nga mapatuman na ang 5 day in-person classes.

- Advertisement -

Sa interview sang Radyo Bandera Iloilo kay Hernani Ecullar, Regional Information Officer sang Department of Education (DepEd), ginpahayag sin inga padayon ang pagproseso sa pagdugang sang mga manunudlo.

May ara na sang allocation para sa Fiscal Year 2022 kun sa diin 830 teaching positions ang gin-allocate sa Region-VI.

Suno sa 2021 nga datos sang ahensya may ara sang 73,495 teaching personnel sa bug-os nga Western Visayas.

- Advertisement -

Dugang pa ni Escullar, base sa datos sang S.Y 2021-2022 may ara sang 2, 102, 865 ka enrolled learners diri sa Western Visayas.

Sa ginpatigayon nga early registration sang Abril 2022 may ara sang 360,571 ka mga early registrants sa diin ginalakipan ini sang incoming Kinder, Grade 1, Grade 7, kag Grade 11 samtang ang iban nga grade levels ang gina-consider na nga automatic registered.

Ginalauman man sang DepEd nga magataas ang numero sang enrollees tungod amat-amat naman naka-recover ang aton ekonomiya.

- Advertisement -
Quin Gomer Dellera
Quin Gomer Dellera
Gomer is a trailblazer in the media industry who strives hard to give credible and trustworthy news. He is passionate and devoted in newswriting. He is a new breed of reporter that specializes in entertainment, tourism, culture and arts.

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
914SubscribersSubscribe
- Advertisement -

Latest Articles