ILOILO CITY — Gina-preparahan sang nagkalain-lain nga mga transport groups sa syudad sang Iloilo ang implementasyon sang LPTRP sa Hunyo 12, 2022.
Ini ang gipahayag ni Mr. Raymundo Boyet Parcon, Presidente sang Iloilo City Loop Alliance of Jeepney Owners and Drivers Association (ICLAJODA) kag chairman sang Western Visayas Transport Cooperative (WVTC) sa interview sang Radyo Bandera Iloilo.
Sunu sa natungdan ginalauman ang pila ka mga problema sa una nga mga inadlaw sang pagpatuman sang LPTRP ilabi na sa mga terminals.
May kaangtanan diri nagaayo ang mga ini sa Land Transportation Franchising and Regulatory Board (LTFRB) kag sa Iloilo City Council nga pungkuan gilayon ang mga ma-encounter nga problema agud nga matagaan sang solusyon agud nga indi na mabudlayan ang mga pasahero.
