ILOILO CITY — Ginakondenar sang Tubungan PNP ang pagpasakop sa sugal sang ila personnel kasunod sa pagkadakop sa akto nga pagpauwak ni Patrolman Yollyric Paparon, 36 anyos sa banwa sang Banate sang Nobyembre 25.
Ini ang pahayag ni Plt. Rodel Ojano, hepe sang Tubungan Police Station sa pagpakig-angut sang Radyo Bandera Iloilo.
Suno pa kay Ojano, nagapatigayon man sila sang imbestigasyon agud matul-id kun may grounds agud mapasakaan sang kaso nga administratibo.
Nahibaluan nga narekober sa tatlo ka nagkaladakpan lakip na ang pulis ang P11,620 nga kwarta, lima ka buhi nga manok kag ang .9mm pistol nga may 17 ka bala nga service firearm ni Paparon.
Suno pa kay Ojano, off duty ang nasambit nga personnel sang siya ang nadakpan apang dapat indi ini mangin rason sa paglapas sang layi bilang katapo sang otoridad.
