ILOILO CITY — Tatlo ka pilas sa dughan ang naagum sang tiyo matapos gintiro sang hinablos sa Datagan, Calinog.
Ginkilala ang biktima kay Arthur Lopez, 55-anyos samtang ang suspek naman amu si Danny Lopez, 41-anyos kag lunsay residente sang nasambit nga lugar.
Suno kay Police Major Dajie Delima, hepe sang Calinog Municipal Police Station, mga las-7:30 kagab-I, Nobyembre 21 sang natabo ang insidente.
Sa ila imbestigasyon, ginpalapitan sang suspek ang iya tiyo nga yara sa guwa sang iya balay kag gintiro.
Gilayon nga gindala sa Calinog District Hospital ang biktima apang ginsaylo ini sa Western Visayas Medical Center kag paga-operahan.
Padayon naman nga ginapangita sang otoridad ang hinablos matapos nagpalagyo.
Ginapahayag nga daan nga hiligut-anon tungod sa mga propiedad ang nagduso sa hinablos nga tiruhon ang tiyo.
Wala naman narekober ang armas nga gingamit sa pagpangluthang.
