Tuesday, January 31, 2023

Ungka flyover, indi pa mabuksan para sa Dinagyang 2023- DPWH Sec. Bonoan

- Advertisement -

Personal nga nagpadulong si DPWH Secretary Manuel Bonoan sa Ungka Flyover sa Brgy. Ungka II, Pavia subong nga aga agud inspeksyunon ang sitwasyon sang nasambit nga istraktura.

Sa interview sang Radyo Bandera Iloilo sa tiglikom, may yara sang problema nga dapat resolbaron antes nga buksan ang flyover kag may patigayunon nga geotechnical investigations agud gilayon nga mahimuan sang solusyon nga mangin safe sa mga motorista.

Suno kay Sec. Bonoan, patigayunon ang roving test bangud sa nakita nga pila ka mga displacements kag mahibaluan ang resulta sini matapos ang ila imbestigasyon paagi sa pila ka mga tests sa masunod nga mga sinemana.

- Advertisement -

Ginpaathag man sang tiglikom nga wala niya ginarekomenda ang pagbukas sang flyover sa publiko apisar nga nagpatigayon na sang controlled traffic loading test kahapon agud mahibaluan ang assessment sang structure.

Samtang, ginpahayag man sang natungdan nga wala pa sang husto nga petsa agud nga buksan sa publiko ang nasambit nga flyover.

- Advertisement -

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,340SubscribersSubscribe

Latest Articles