Monday, August 8, 2022

Vicente Somblingo, luyag nga i-settle na lang kag indi na magpasaka sang kaso batok sa drayber sang truck nga nagbunggo patay sa iya nga himata

- Advertisement -

ILOILO CITY— Luyag ni Vicente Somblingo, nga i-settle na lang kag indi na magpasaka sang kaso batok sa drayber sang truck nga nagbunggo patay sa iya nga hinablos, apo, kag bata.

Sa exclusive interview ni Kabanderang Rey Umalay kay Vicente sa programa Foro de los Pueblos, ginpahayag sini nga naka-istoryahanay na sila sang drayber sang truck kag gin-settle niya na lang bangud indi na siya magpasaka sang kaso.

Suno sa iya, mangayo siya sang bulig para sa haya kag lubong sang iya himata nga napatay nga amo sanday Angelito Somblingo nga iya hinablos, bata sini nga si Angelo, apo nga si John Paul, kag alyas putot nga hinablos sang iya asawa nga si Gilda nga padayon nga ginabulong sa ospital.

- Advertisement -

Ginpakigbahin sini nga alas 3:00 kaina sang kaagahon sang naghalin ang iya nga mga himata sa Brgy. Barasan Este, Sta. Barbara sakay sa angkar-angkar kag padulong kun tani sa syudad sang Passi agud nga idul-ong si alyas putot nga nagbakasyon sa ila nga balay.

Nakibot na lang ini nga may nag-inform na sa iya nga nabungguan sang 10 wheeler truck ang iya nga mga himata sa Brgy. Dawis, New Lucena, Iloilo.

Sa subong preso na sa Pototan Police Station ang suspek kag ginatinguhaan sang Radyo Bandera Iloilo nga makuha ang iya nga pahayag.

- Advertisement -
Quin Gomer Dellera
Quin Gomer Dellera
Gomer is a trailblazer in the media industry who strives hard to give credible and trustworthy news. He is passionate and devoted in newswriting. He is a new breed of reporter that specializes in entertainment, tourism, culture and arts.

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
896SubscribersSubscribe
- Advertisement -

Latest Articles