Wala sang take-out sa guwa sang boundary sang Leganes sa Porky-Porky festival

ILOILO CITY — Indi pagpahanugutan ang pag-take out sa Porky-Porky Festival sa guwa sang boundary sang Leganes.

Ini ang pahayag ni David Sinay, municipal administrator sang Leganes Local Government Unit sa interview sang Radyo Bandera Iloilo.

Nahibaluan nga ang 18 ka mga barangay sa nasambit nga banwa ang nagpreparar sang tag-duha ka lechon para sa Porky-Porky Festival.

Suno kay Sinay, las 5:00 karon sa hapon maga-umpisa ang lechon parade.

Yara sa ₱135.00 ang presyo sang lechon per half kilo ukon ₱270.00 per kilo.

40 tanan ka mga lechon ang ginplastar sa plaza sang Leganes kag ini man ang pagasundan sang Opening of Lights sa banwa.