ILOILO CITY — May yara pa sang apat ka mga pampubliko nga eskwelahan nga wala pa sa gihapon nakabalik sa pag-implementar sang 5-day in-person classes.
Santu sa Department of Education (DEPED 6), pila sa mga rason amo ang pagkaguba sang mga pasilidad tuga sang halit ni bagyo Paeng kag delayed ang pagpakaayo sini.
Nahibaluan nga may yara sang kabug-usan nga 4,048 ka pampubliko nga eskwelahan sa Rehiyon 6, kun sa diin ang apat nga mga buluthuan nga wala nagapatuman amu ang Malinao School for Philippine Craftsmen, Progreso Village National High School, Sagay National High School kag Aklan National High School for Arts and Trade.
Nahibaluan nga ginmandu sang DEPED Central Office nga required tanan nga mga pampubliko nga eskwelahan ang pagpatuman sang 5-day in-person classes nga nangin epektibo sang Nobyembre 2.
