WVTC Chairman, ginpahayag may posibilidad nga daw maghilay ang matag-as nga modernized jeep; manubo kag malapad nga units, ideal sa dalanon

Mas manami kun manubo kag malagpad ang mga units nga iga-deliver diri sa may syudad sang Iloilo.

Ini ang pahayag ni Mr. Boyet Parcon, Chairman sang Western Visayas Transport Cooperative (WVTC) sa interview sang Radyo Bandera Iloilo.

Suno kay Parcon, may mga supplier gid man nga wala niya ginhingadlan nga naga deliver sang matag-as nga units sa diin may posibilidad ini nga daw maghilay kag matumba ilabi na kun kurbada ang dalanon kag nagahabyog.

Dugang pa niya, mas manami kun manubo kag malapad ang unit sang salakyan.

Ginpahayag pa sini nga suportado nila kun i-modify na lang ang mga traditional jeepney nga makapasar sa standards sang modernization program.