Nagdangat sa ₱1.37 billion ang balor sang iligal nga droga ang nakumpiskar sang mga otoridad humalin sang nag-umpisa ang administrasyon ni President Bongbong Marcos.
Suno kay Presidential Communications Secretary Cheloy Garafil nga naka-post ang Philippine Drug Enforcement Agency (PDEA) sang significant accomplishments sa ila anti-narcotics operations sa una nga 100 days.
Base sa report nga gin-sumiter sa Malacañang, naglunsyar ang PDEA sa idalum ni Director General Moro Virgilio Lazo sang 405 operations nga nag-resulta sa pagkaaresto sang 728 drug personalities humalin sang Nobyembre 21 tuig 2022 tubtob Pebrer 28 tuig 2023.
Nagdangat naman sa 177.21 kilos sang shabu ukon methamphetamine hydrochloride; 200.22 kilos sang dried leaves kag bricks sang marijuana; 565,160 pieces sang marijuana plants; 1,687 grams sang cocaine; kag 16,782 tablets sang Ecstasy ang nakumpiskar.
Samtang, lakip naman sa mga nadakpan sang mga otoridad sa operasyon amo ang 15 ka government employees, siyam ka dumuluong, 42 ka target-listed personalities; 102 ka drug den operators, apat la elected officials, kag isa ka uniformed personnel.
