Gin-aprobahan na ni Presidente Rodrigo Duterte ang ₱3 billion nga subsidies kag discount para sa mga drivers, mangunguma kag mangingisda sa tunga sang sunod-sunod nga pagtaas sang presyo sa petrolyo bangud sa naga-padayon nga kinagamo sang Russia kag Ukraine.
Suno kay acting Presidential Spokesperson Karlo Nograles, gin-aprobahan ni Duterte ang ₱2.5 billion para sa “Pantawid Pasada” program sang gobyerno kag ang ₱500 million discount program para sa mga mangunguma kag mangingisda.
Ginpahayag man sini nga ginapapag-on sang Pilipinas ang domestic economy kag explore diplomatic channels agud masolusyonan ang negative impact sang kinagamo sang duha ka pungsod sa Pilipinas.
Samtang, plastado man ang Mitigating measures kag contingency plans bilang proactive response sang Pilipinas sa conflict sa Ukraine.
