Sunday, December 4, 2022

₱650 million confidential funds para sa Office of the Vice President, gindepensahan ni Vice President Sara

- Advertisement -

Gindepensa ni Vice President kag Education Secretary Sara Duterte nga ang balor nga ₱650 million nga confidential funds para sa Office of the Vice President kag Department of Education ang para sulbaron ang problema sa education sector.

Ini ang nangin pahayag ni Duterte matapos nga ginpamangkot siya ni House Assistant Minority Leader Arlene Brosas sang Gabriela party-list kon nga-a kinahanglan pa mag-alokar sang ₱500 million nga confidential fund para sa Education Department apisar may yara sang wala naponduhan nga programa sa nasambit nga ahensya kaangay sang pagpatukod sang kapin 167,000 ka mga hulot klasehan kag pagkay-o sang 149, 000 ka mga classrooms.

Ginpahayag ni Duterte nga may separado nga entities kag mandate ang OVP kag DepEd kag ang kadalag-an sang programa, aktibidad kag proyekto sang ahensya ang nagadepende sa maayo nga intelligence reports kag surveillance bangud may mga isyu kag problema nga luyag tutukan.

- Advertisement -

Dugang pa ni Duterte, ginapangatubang sa karun sang ahensya ang madamo nga pagpanghangkat nga nagaulamid sa mga estudyante kaangay sang sexual grooming kag sexual abuse nga naimbolbar ang mga school officials/personnel, recruitment sang mga kabataan sa kriminal nga aktibidad, paggamit sang druga kag iban pa.

Nahibaluan nga wala sang confidential funds nga napain sa 2022 national budget para sa Office of the Vice President kag Department of Education.

- Advertisement -

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,190SubscribersSubscribe

Latest Articles