Target sang Department of Health nga mag-patigayon sang ika-apat nga national vaccination days sa bulan sang Marso sa bug-os nga pungsod Pilipinas, suno kay Department of Health Sec. Francisco Duque III.
Ini kasunod sa pila ka mga pagtilaw sang DOH sa pag-administer sang vaccines sa mga lugar nga may low vaccination rates.
Madumduman nga sang tinalikdan nga National Vaccination Days nga “Bayanihan, Bakunahan 3” sadtong Pebrero 10 tubtob Pebrero 18, napaslawan sang gobyerno nga malab-ot ang target nga 5 million shots sa diin 3.5 million lang ka indibidwal ang nabakunahan.
Sa subong, kapin 61.9 million na ka Pilipino ang nabakunahan batok sa CoVid-19 kag 9.7 million naman ang nakabaton sang booster shots.
Suno naman kay Duque, ang target para sa 4th National Vaccination Days amo ang mga senior citizens nga magakuha sang booster shot kag ang mga primary series para sa pediatric population.
