61 ka mga tourist sites, apektado sang oil spill sa probinsya sang Oriental Mindoro

ILOILO CITY- Nagakabalaka ang Department of Tourism (DOT) sa epekto sang oil spill sa Oriental Mindoro bangud naglab-ot sa 61 ka tourism sites ang apektado.

Suno kay Tourism Secretary Christina Frasco nga kalakip sa mga naapektuhan ang mga beach resorts sa probinsya.

Sa karon nagapakig-angut na sila sa mga ahensya kasubong sang Department of Labor and Employment agud buligan ang mga apektado nga tourism workers.

Suno sa LGU sang banwa sang Pola, nagkanselar na sang mga booking ang mga turista nga magabakasyon kuntani sa ila lugar kon sa diin 11 ka mga coastal barangays ang lunsay apektado.

Samtang, ginaproteksyunan naman ang iban pa nga tourist destination kasubong sang Boracay nga nagbutang naman sang oil spill booms sa palibot sang isla.