ILOILO CITY- Ginpahayag sang Department of Education ukon Dep-Ed nga 97.5% sang mga pampubliko nga buluthuan ang nakabalik na sa lima ka adlaw nga face-to-face classes.
Madumduman nga sang Nobyembre 2, nag-umpisa na ang full implementation sang full face-to-face classes matapos ang halos duha ka tuig nga pag-untat bangud sa COVID-19 pandemic.
Suno kay Dep-ED spokesperson Michael Poa nga 2.36% sang public schools ang ginpasugtan ma nga maghiwat sang blended learning kon sa diin kalabanan sang mga ini ang naapektuhan sang pagpanalasa sang Bagyo Paeng.
Nahibaluan nga kapin sa 234 ka mga eskuwelahan ang nakaangkon sang damage sa mga imprastruktura tuga sang nasambit nga bagyo samtang 435 pa ka mga buluthuan sa pungsod ang padayon pa nga ginahimo bilang evacuation centers.
