97% sang PNP officials, naka-sumite na sang ila courtesy resignation

Nagdangat na sa 928 sa 953 nga full-fledged generals kag colonels sang Philippine National Police ang nakasumiter sang ila courtesy resignation.

Suno kay PNP spokesperson, Colonel Jean Fajardo nga 97% na ini samtang kadam-an sa mga ginahulat nga wala pa na transmit sa PNP headquarters sa Camp Crame ang gikan sa Visayas kag Mindanao.

Ginpahayag man ni Fajardo nga naka-depende na sa five-member committee nga gin-form ni President Bongbong Marcos ang rekomendasyon.

Nakatuka naman sa National Police Commission ang pag-review sa listahan sang mga police officers kun kay sin-o nga resignation ang batunon.