Acting Admin kag operation officer sang Civil and Public Affairs Center sang Philippine Army, gina-alegar gin-utas ang kabuhi

Dead-on-arrival sa Army General Hospital ang acting admin kag subongman operation officer sang Civil and Public Affairs Center sang Philippine Army matapos ang ginapahayag gin-utas ang iya kaugalingon, Enero 15, 2023

Base sa report, nasapwan nga duguon kag wala na sang kabuhi si alyas “Steph”, 2^nd Lt. sang Philippine Army, sa sulod sang comfort room sang Bachelor’s Office sa Fort Andres Bonifacio, Metro Manila.

Nakit-an sa kilid sini ang isa ka Glock 17 cal. 9mm pistol.

Ang nakakita naman kay alyas “Steph” ang nobyo sin inga si 1T Daniel Heinz Lucas.

Samtang, may ginsulat naman si alyas “Steph” para sa iya pamilya sa diin nakasaad nga nagapangayo ini sang pasaylo. Ginahaylo man sini ang iya mga utod nga indi sya pag-ilogon kag padayunon ang ila pagtuon.

Nag-pangayo man sya sang pasaylo sa iya nobyo kag ginpahayag pa nga maabot ang adlaw nga may husto nga babaye ang maga-abot sa kabuhi ni Lucas nga makaatipan kag magapalangga sa iya sang tampad.