ILOILO CITY- Nagapabilin nga mataas ang morale sang Armed Forces of the Philippines ukon AFP sa pihak sang atrasado nga promotions kag designations sang pila sang ila mga opisyales suno kay Defense Secretary Carlito Galvez.
Ginpahayag ni Galvez nga naplantsa na ang isyu sang nakaligad nga semana matapos napirmahan na ni Presidente Ferdinand Marcos Jr. ang halos tanan nga pending promotions antis magbiya padulong sa Davos, Switzeland agud magtambung sa annual meeting sang World Economic Forum ukon WEF.
Suno sa Defense chief nga nagalaum siya nga maplantsa ang nabilin pa nga mga isyu nga nagtuga sang delay.
Samtang, ginduso man sang DND sa senado nga dulaon na ang fixed terms para sa key officials sang AFP kag sa baylo, magadepende sa Presidente ang pagdesisyon kon palawigon ukon panubuon ang termino sang mga senior officials.
