Wala sang plano si Presidente Rodrigo Duterte nga ipa-idalum ang isa ka lugar ukon ang pungsod Pilipinas sa Alert Level 0 tubtob mangin hilway ang tanan sa makamamatay nga balatian nga CoVid-19.
Suno kay Duterte, maga-pahanugot lamang ini sang dugang nga paghalog sang restrictions kun 1 tubtob 2 na lang ka kaso ang marekord sa pungsod Pilipinas.
“You know, lahat halos gusto ibalik na sa Zero o lahat One. Di pwede kasi mayroong mga lugar na mayroon pa. Until such time na talagang almost isa o dalawa na lang all over the country,” suno kay Duterte.
Mahibaluan nga ang Metro Manila kag ang 28 ka rehiyon sa Pilipinas ang napa-idalum karun sa Alert Level 1.
Samtang, kun madumduman, plano na kuntani sang Department of Health nga i-duso ang Alert Level 0 sa pungsod, apang wala ini nadayon bangud sa liwat nga pagtimbuok sang kaso sang CoVid-19 sa Hong Kong, China, kag South Korea.
