Tuesday, February 7, 2023

Alert level system sang DOH, himuon kaangay sang warning signals sang PAG-ASA

- Advertisement -

ILOILO CITY- Iga-rekomendar sang Department of Health ang bag-o nga alert system nga magaserbe bilang warning signal sa publiko sa tunga sang nagahalog na nga COVID-19 restrictions sa pungsod.

Ginpahayag ni DOH Officer-in-charge Maria Rosario Vergeire nga ang alert level system sa karon ang nagabase sa gihapon sa risk case classification kag health care utilization rate sang isa ka lugar.

Subong man, iya ginpahayag nga i-presenter sang DOH sa meeting sang Inter-Agency Task Force ukon IATF sa Disyembre 5 ang revised alert level system kaangay sang tropical cyclone warning system sang PAG-ASA.

- Advertisement -

Ginpaathag sang Health official nga sa ginaduso nga bag-o nga alert system, indi na magpabalo ang gobyerno sa publiko sang mga restrictions nga ginapatuman sa lugar sa idalum sang partikular nga alert level kundi kon paano sila mag-akto base sa ila nahibaluan natuhoy sa COVID-19.

Suno kay Vergeire nga kasubong sang Pag-asa nga typhoon signals nga kon yara sa signal number 1, nakahibalo na ang tanan kon paano magresponder kag amo man sini ang luyag sang ahensya nga himuon sa alert level system.

Pananglitan aprobahan sang IATF ang nasambit nga proposal, ginpahayag ni Vergeire nga ila ini iga-presentar sa Office of the President.

- Advertisement -
Sonny Punay
Sonny Punay
More than 20 years in the broadcast Industry in Iloilo City. 7 years -newswriter/ newscaster @ aksyon radyo Iloilo 18 years-newswriter/newscaster @RMN iloilo

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,350SubscribersSubscribe

Latest Articles