Gin-pabutyag ni Muntinlupa City Mayor Ruffy Biazon ang iya pagkabalaka sa environmental impact sang excavation sa sulod sang New Bilibid Prison.
Suno kay Biazon, interesado sila sa mangin resulta sang patuon nga pagahiwaton sang Department of Environmental and Natural Resources (DENR) bangud ginakotkot ang bahin sang kalibutan nga mahimo makaapekto sa ila lugar.
Ginpahayag man sang alkalde nga wala nag-secure sang excavation permit para sa proyekto ang Bureau of Corrections (BuCor).
Nahibaluan nga nagdangat na sa 200 meters ang kalapadon kag 30 meters ang kadalumon sang duta nga nakotkot malapit sa Director’s Quarters, suno kay BuCor acting director-general Gregorio Catapang Jr.
Samtang, nadumduman nga gin-depensahan man ni Bantag nga ang excavation ang para sa pagtukod sang “deep swimming pool” bangud sya ang isa ka scuba diver kag ginpanginwala man sini nga ginahimo ini bilang “escape tunnel”.
Ginbuyagyag man ni Department of Justice Sec. Boying Remulla nga ang excavation ang para sa paghunting sang ginapahayag Yamashita treasure sa sulod sang NBP compound.
