Saturday, August 20, 2022

Alternergy, plano nga magpatukod sang P1.89 BILLION gikan sa IPO agud pondohan ang mga proyekto sang renewable energy

- Advertisement -

Nagaplano ang Alternergy Holdings Corporation nga magatukod sang billion ka pesos agud ponduhan ang solar, wind kag hydropower projects paagi sa pagtanyag sang shares sa publiko nga luyag mag invest.

Ginpahayag sang Securities and Exchange Commission (SEC) nga opisyal nga nabaton sang Hulyo 5 ang registration statement sang Alternergy para sa initial public offering (IPO) sini.

Plano sang renewable energy firm nga magtanyag sang 1,281,430,000 primary common shares nga may presyo tubtob P1.48 kada isa, nga may overallotment option nga tubtob 192,220,000 common shares.

- Advertisement -

Ang kabug-usan nga natipon gikan sa gintanyag nga common shares ang ginabulubanta nga yara sa P1,896,516,400 samtang ang net proceeds-matapos nga mabuhinan ang fees ang yara sa P1,810,339,101 suno sa kompanya.

Tinutuyo sang Alternergy nga gamiton ang net proceeds gikan sa IPO agud pondohan ang pagpa-uswag kag pagtukod sang mga proyekto sini sa Solana Solar kag Lamut Hydro; pagbabayad para sa pagkuha sang mga bahagi sang Kirahon Solar Energy Corp.; pre-development expenses sang pipeline projects nga amo ang mga masunod: Ibulao Hydro project, Tanay Wind project, Alabat Wind project kag Calavite Offshore Wind project; kabug-usan nga ginahanglanon sang korporasyon kag working capital para sa pag operate sang Retail Electricity Supply.

Samtang, gindeklarar man sang kompanya ang Investment & Capital Corp. of the Philippines bilang underwriter para sa transaksyon suno sa SEC.

- Advertisement -

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
924SubscribersSubscribe
- Advertisement -

Latest Articles