ILOILO CITY — Pabor ang amay sang napatay nga Adamson student nga si John Matthew Salilig sa pagbuhi liwat sang death penalty sa mga mapamatud-an guilty nga involved sa hazing activities.
Suno kay Joeffrey Salilig, pabor ini sa pagbalik sang death penalty sa hazing agud nga mag-obserbar sang maayo ang mga fraternities nga nagahiwat sang initiation rites.
Madumduman nga nasapwan ang bangkay sang 24-anyos nga si Salilig nga nalubong sa Imus, Cavite sang Pebrero 28, pila ka adlaw matapos ini mareport nga missing.
Una na nga ginpahayag sang neophyte nga nagpamalibad ang mga fraternity members nga dal-on si Salilig sa ospital matapos ini nga nagsuprer sang seizure sa welcoming rites.
Dugang pa ni Joeffrey nga dapat buhinan ang initiation rites nga ginahiwat kun ginapatihan nga tradisyon ini sa kada fraternity.
Sang Miyerkules, gin-anunsyo sang panel of prosecutors sang Department of Justice nga gin-indict ang pito ka miyembro sang Tau Gamma Phi fraternity bangud sa gina-alegar hazing death ni Salilig.
Para naman sa pamilya Salilig, nagakahulugan nga “solved” na ang kaso.
