Nagsungka na sa mga otoridad si dismissed Philippine Drug Enforcement Agency (PDEA) Metro Manila director Erwin Ogario.
Ginkumpirmar sang Philippine National Police sa Eastern Visayas nga nagsungka si Ogario kay regional director Brigadier General Rommel Marbil sa Palo, Leyte matapos nakabaton ini sang mga pamahog sa iya kabuhi.
Nadumduman nga si Ogario ang nalakip sa mga government officials nga ginhingadlan ni former President Rodrigo Duterte nga imbolbado sa illegal drug trade.
Ang arrest order ang gin-isyu sang Quezon City Regional Trial Court Branch 227 sadtong Enero 3 tuig 2019, para sa gina-alegar pagbayolar sa Comprehensive Dangerous Drugs Act of 2002.
Si Ogario ang chief sang PDEA sa capital region sang ini ang gin-dismiss sadtong tuig 2017 bangud sa grave misconduct and conduct “prejudicial to the best interest of the service.”
Kun madumduman si Ogario ang nagpadasig sa pag-release kay drug suspect Eddon Dalisay, nga gin-aresto matapos nagkuha sang parcel nga may unod nga ecstasy tablets sang tuig 2015.
