ILOILO CITY- Nakilala na ang anum ka tawo nga sakay sang Cessna plane nga nadula sa Isabela sang Martes.
Kalakip sa mga sakay sa nadula nga Cessna RPC 1174 amo ang piloto nga si Eleazar Mark Joven kag mga pasahero nga sanday Tommy Manday, Val Kamatoy, Mark Eiron Siguerra, Xam Siguerra kag Josefa Perla España.
Ginpahayag ni Civil Aviation Authority of the Philippines ukon CAPP spokesperson Eric Apolonio nga mga alas 3:17 sang hapon sang Martes sang makabaton sila sang report nga isa ka C206 Plane nga RPC 1174 ang wala maka-abot sa destinasyon sin inga Maconacon Airport.
Nagbiya ang eroplano sa Cauayan airport mga alas 2:15 sang hapon kag natalana nga magahugpa sa Maconacon mga alas 2:45 apang wala ini makaabot.
Suno sa Isabela PDRRMC nga matawhay ang panahon sang magbiya ang eroplano sa Cauayan airport apang ginapahayag nga mabaskog ang hangin sa Sierra Madre.
Bangud sa malain nga panahon sang Martes, wala na ginhalughog sang mga otoridad ang bilog nga Sierra Madre apang ginpadayon nila ang search and rescue operation subong nga Miyerkules.
