Friday, October 7, 2022

Apat ka kongresista, gin-deklarar nga persona non grata sa probinsya sang Aklan

- Advertisement -

Gin-deklarar nga “persona non grata” ang apat ka mamahlidha sa probinsya sang Aklan bangud sa ila nga kontrobersyal nga hagna may kaangtanan sa pagdumala sa isla sang Boracay.

Ang mga mamahlidha amo sanday Raymund “Lray” Villafuerte sang 2nd District sang Camarines Sur, Tsuyoshi Anthony Horibata sang 1st District sang Camarines Sur, Miguel Luis Villafuerte sang 5th District sang Camarines Sur, kag Nicolas Enciso lll sang Bicol Saro Party-list.

Sila ang nangin “persona non grata” matapos gin-aprobahan sang 19th Aklan Sangguniang Panlalawigan ang resolution nga gin-file ni Vice Governor Reynaldo Quimpo sa ila nga session, kahapon sang aga, Agosto 8.

- Advertisement -

Nahibaluan nga sanday Villafuerte kag iban pa nga mga mamahlidha ang nag-file sa 19th Congress sang House Bill 1085 ukon ang Proposing the Creation of Boracay Island Development Authority (BIDA) as a Government-Owned and Controlled Corporation (GOCC) sadtong Hulyo 2 sini nga tuig 2022.

Suno sa SP Aklan, wala sang kinalain ang House Bill 1085 sa House Bill 09286 nga ginfile sadtong tinalikdan nga 18th Congress apang wala na nahulag ang nasambit nga proposal.

Nadumduman nga istrikto nga gindumilian sang mga opisyal sang Aklan kag sang mga residente ang pagtukod sang BIDA Bill kun sa diin magakadto sa national government ang pagdumala sa isla sang Boracay.

- Advertisement -

Dugang pa sang SP Aklan, ang BIDA GOCC ang may dako nga epekto sa socio-economic well-being” sang mga taga-Boracay kag bug-os nga probinsya sang Aklan.

Samtang, gindugang man nga ang tikang sang apat ka mga Kongresista ang nagapakita nga wala sang respeto sa mga Aklanon.

- Advertisement -
Karen Badilla
Karen Badilla
Karen might be new in the news landscape of Iloilo but she's certainly a pro. Before joining forces with Radyo Bandero Iloilo news team, she served as one of the reporters/anchorwoman/news writers of a radio station in Bacolod City. With more than 3 years of broadcast experience under her sleeve, Karen is a total package ready to serve and deliver nothing but reliable information to the people of Iloilo.

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,030SubscribersSubscribe

Latest Articles