Monday, December 5, 2022

Apat ka rehiyon, ginpaidalum sa state of calamity ni Presidente Bongbong Marcos bangud sa epekto sang Bagyo Paeng

- Advertisement -

ILOILO CITY- Ginpaidalum sa tunga sa tuig nga “state of calamity” ni Presidente Ferdinand “Bogbong” Marcos Jr. ang mga rehiyon sang Calabarzon, Bicol, Western Visayas kag Bangsamoro Autonomous Region in Muslim Mindanao ukon BARRM bangud sa epekto ni Bagyo Paeng

Ini ang nasaad sa Proclamation 84 ni Marcos Jr, pila ka adlaw matapos ginbalibaran niya ang rekomendasyon sang NDRRMC nga ipaidalum sa isa ka tuig nga state of calamity ang bug-os nga pungsod Pilipinas.
Nahibaluan nga nagsaka na sa 121 ang mga napatay bangud sa paglaslas sang severe Tropical storm, 103 ang napilasan kag 36 ang missing.

Nagtaas man sa 3.18 milyon ka mga indibidwal ang apektado sini suno sa NDRRMC.

- Advertisement -

Magluwas diri, nagdulot man ini sang P1.27 billion nga balor sang kahalitan sa sektor sang agrikultura magluwas pa nga nagsobra na sa P896 million ang estimated cost of damage sa imprastruktura.

Ginamanduan man ang tanan nga ahensya sang gobyerno nga mag-coordinate sa mga LGU  agud makahatag sang dugang nga basic services kag facilities sa mga naapektuhan nga lugar.

Mahimo nga madugangan pa ang mga lugar sa idalum sang state of calamity kon gustuhon sang Presidente ilabi pa nga ginakonsiderar sa gihapon ang mga nagasulod nga datos angut sa impact sang bagyo Paeng.

- Advertisement -
Sonny Punay
Sonny Punay
More than 20 years in the broadcast Industry in Iloilo City. 7 years -newswriter/ newscaster @ aksyon radyo Iloilo 18 years-newswriter/newscaster @RMN iloilo

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,190SubscribersSubscribe

Latest Articles