Appointment ni Centino bilang AFP chief, gindepensahan ni Presidente Bongbong Marcos

ILOILO CITY- Ginpangapinan ni Presidente Ferdinand “Bongbong” Marcos Jr. ang appointment ni General Andres Centino bilang Chief of Staff sang Armed Forces of the Philippines ukon AFP sa pagsiling nga tuyo sini nga i-rationalize ang seniority sa military.

Sang damlag lang, gin-appoint ni PBBM si Centino balik bilang AFP Chief of Staff tal-os sa iya anay appointee nga si Lt. General Bartolome Bacarro nga nangin AFP Chief sa sulod lang sang lima ka bulan.

Ang pagbalik ni Marcos kay Centino sa puwesto ang nagtulod kay Defense Officer-in-charge” Jose Faustino Jr. nga magresign bangud wala ini na-inform natuhoy  sa nasambit nga butang.

Gilayon naman nga gintal-usan si Faustino ni presidential peace adviser Carlito Galvez Jr.