Maga-deploy sang kapin 40,000 ka mga tropa ang Armed Forces of the Philippines sa tanan nga lugar sa pungsod Pilipinas sa adlaw sang pinili-ay sa Mayo 9.
Ini ang ginpahayag ni AFP spokesperson Army Colonel Ramon Zagala, base sa mando ni AFP chief of staff General Andres Centino.
Suno kay Zagala, kinahanglan nga i-adoptar ang duha ka modes of operation para sa palaabuton nga eleksyon.
Ang duha ka mode of operations amo ang election mode ukon ang tanan nga election duties kag tasks, kag ang combat mode sa diin ma-suppress ang tanan nga threat groupd kag lawless elements.
Samtang, ginpahayag man ni Zagala nga ang 40,000 AFP troops ang iga-designar sa 14 ka mga syudad kag 105 ka mga banwa ilabi na sa mga na tagged bilang “election areas of concern” sa idalum sang highest red category.
