Naglunsyar ang Ateneo de Manila University sang donation drive para i-bulig sa pamilya ni Jeneven Bandiala, ang school security guard nga naulamid sa shooting incident sadtong Domingo nga adlaw, Hulyo 24.
Nahibaluan nga ginpakigbahin sang unibersidad ang “scan-to-pay” donation channel para i-assist sa nabilin nga pamilya ni Jeneven.
Ang list of supported payment options ang ginalakipan sang GCAS, GrabPay, BDO Online, PNB Online, BPI Online, RCBC Online, kag UnionBank Online, suno sa Ateneo.
Samtang, sa separado naman nga Facebook post, ginpahayag man sang Ateneo Law Student Council nga maga-raise sila sang funds para sa pamilya sang security guard.
Ang nasambit nga mga donasyon ang para sa funeral kag burial services ni Jeneven kag para sa iya pamilya.
Nadumduman nga gintiro-patay ni Dr. Chao Tiao Yumol si former Lamitan Mayor Rose Furigay sa sulod mismo sang Ateneo campus.
Nahibaluan nga si Furigay ang matambong kuntani sang graduation sang iya bata nga babaye sa law school sang sila ang ginbantayan sang suspek sa diin naulamid man ang body guard sini nga si Victor Capistrano nga ginbawian man sang kabuhi.
Napasakaan naman sang kaso nga murder kag frustrated murder si Yumol, suno sa Philippine National Police.
