Balo ni Degamo,nag-file sang petisyon agud hingyuon ang pag-expel kay Congressman Teves sa Kongreso

ILOILO CITY- Nag-apelar sa kongreso si Pamplona Mayor Janice Degamo, balo sang ginpatay nga si Negros Oriental Governor Roel Degamo nga pahalinon si Negros Oriental Congressman Arnolfo Teves Jr. bilang miyembro sang Kamara de Representantes.

Ginasuportahan man ni Mayor Degamo ang panawagan sang pila ka mamalidha nga magbalik na si Teves sa Pilipinas agud depensahan ang kaugalingon ilabi na sa paglamita sa iya sa pagpatay sa gobernador.

Nahibaluan nga magahiwat sang hearing sa Lunes ang House Committee on Ethics and Privileges agud talakayon ang mangin kapalaran ni Teves bilang katapo sang Kamara matapos mapaslawan nga magbalik sa Pilipinas matapos mag-expire sang Marso 9 ang iya travel clearance.