Monday, August 15, 2022

Balor sang halit nga ginbilin sang linog sa imprastraktura sa Northern Luzon, nagdangat sa ₱33.8 billion

- Advertisement -

Nagdangat sa ₱33.8 billion ang balor sang halit nga ginbilin sang magnitude 7 nga linog sa imprastraktura sa Northern Luzon.

Ini ang ginpahayag ni Office of the Civil Defense (OCD) Assistant Secretary Bernardo Rafaelito Alejandro sa briefing nga ginpatigayon sa Abra nga gintambongan ni President Bongbong Marcos.

Suno naman kay NDRRMC spokesperson Mark Timbal nga ang mga rehiyon nga tuman nga naapektohan sang linog amo ang Cordillera Administrative Regin kag Ilocos Region.

- Advertisement -

Wala pa naman sa subong sang data ang NDRRMC kun pila ang balor sa damage sa mga historical sites sa Ilocos Region.

Nahibaluan nga ang mga nagkalaguba amo ang Bantay Bell Tower, Vigan Cathedral, kag pila pa ka mga heritage houses sa Ilocos Sur, mga simbahan sa Abra kag Ilocos Norte.

Nagdangat naman sa 35 ka mga buluthuan ang nagkalaguba sa diin magadangat sa ₱228.5 million ang balor para sa reconstruction kag rehabilitation.

- Advertisement -

Samtang, 37 naman ka syudad kag munisipalidad ang naka-eksperyensya sang power outage, kag kapin 19 roads naman ang indi pa maagyan.

- Advertisement -
Manilyn Abarro
Manilyn Abarro
Manilyn is a new breed of a journalist with diverse experience in news writing. The passion and enthusiasm she possesses make her a reliable person inside the newsroom. She is now one of the reporters of Radyo Bandera Iloilo Digital News Station.

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
914SubscribersSubscribe
- Advertisement -

Latest Articles